Jose Mari Pastor
| Jose Mari Pastor | |
|---|---|
 | |
| Bizitza | |
| Jaiotza | Bilbo, 1964 (59/60 urte) |
| Herrialdea |  Bizkaia, Euskal Herria |
| Hezkuntza | |
| Heziketa | Euskal Herriko Unibertsitatea doktoretza : kazetaritza |
| Hizkuntzak | euskara gaztelania |
| Jarduerak | |
| Jarduerak | kazetaria, unibertsitateko irakaslea eta bertsolaria |
| Enplegatzailea(k) | Euskal Herriko Unibertsitatea |
| Lan nabarmenak | ikusi
|
| Jasotako sariak | ikusi
|
 | |
Jose Mari Pastor González (Bilbo, 1964) bizkaitar kazetaria eta Euskal Herriko Unibertsitateko irakaslea da.[1]
Biografia
1982ko Bertsolari Txapelketa Nagusian parte hartu zuen. EHUn ikasi zuen kazetaritza eta Euskal herriko informazio politikoa ETBko Gaur Egun albistegian (2008. eta 2010. urteak) tesiari esker doktoretza erdietsi zuen.[2][3][4] Tesiaren helburua hedabide publikoaren ildo informatiboa aztertzea izan zen, Eusko Jaurlaritzako agintean bi alderdi desberdinetako buruzagiak lehendakariak izan diren garaietan: Juan Jose Ibarretxe (EAJ) 2008an eta Patxi Lopez (PSE-EE) 2010ean. Bi urteetako laginek emandako emaitzak konparatu zituen, aro bakoitzaren ezaugarriak eta bi agintaldietako informazio ildoak bereiziz. Funtsean, euskarazko hedabide publiko bakarraren jarduera aztertu zuen, ikuspegi kritikotik gizartearen zerbitzura zenbateraino dagoen nabarmentzeko.
Hainbat hedabidetan jardun du. Hogei urte ez zituela hasi zen euskal prentsan idazten, Anaitasuna aldizkarian,[5] eta ondoren, Egin, EiTB, Euskaldunon Egunkaria[6] eta Berrian ere [7] lan egin du.[8]
Kazetaritzako Saileko irakasle atxikia da, non irakasle gisa hasi zen lanean 2007-2008 ikasturtean. "Berrien Idazkera Prentsan" eta "Interpretazio Generoak" irakasgaiak ematen ditu Kazetaritzako graduan, eta EHU eta EiTB artean sinatutako Multimedia Komunikazioko masterrean.[1]
Liburuak
Gutxienez honako hiru liburu idatzi ditu:
- Berrien Idazkera. Albistea lantzeko oinarrizko eskuliburua Jose Mari Pastor Gonzalez, Alazne Aiestaran Yarza. 2021. UEU eta UPV/EHU
- Kazeta-idazkera: arauak eta estiloa hitzen jokoan Jose Inazio Basterretxea Polo, JJose Mari Pastor Gonzalez, Alazne Aiestaran Yarza. 2013. UEU eta UPV/EHU
- Kazetari aditua unibertso digitalean Jose Inazio Armentia Vizuete, Joseba Barandiaran Andueza, Arantxa Iturbe Maiz, Beñardo Kortabarria Olabarria, Imanol Murua Uria, Jose Mari Pastor Gonzalez, Txema Ramirez de la Piscina Martinez, Alazne Aiestaran Yarza, Andoni Basabe Kortabarria, Bego Zubia Gallastegi. 2009. UEU
Erreferentziak
- ↑ a b «Jose Mari Pastor González - Kazetaritza Saila - UPV/EHU» Kazetaritza Saila (Noiz kontsultatua: 2022-10-01).
- ↑ «ORCID» orcid.org (Noiz kontsultatua: 2022-10-01).
- ↑ «Jose Mari Pastor Gonzalez :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2022-10-01).
- ↑ Pastor, Jose Mari. (2013). «Teseo» www.educacion.gob.es (Noiz kontsultatua: 2022-10-01).
- ↑ Pastor, Jose Mari. «Anaitasuna aldizkaria - Bilaketa emaitzak» www.euskaltzaindia.eus (Noiz kontsultatua: 2022-10-01).
- ↑ Pastor, Jose Mari. (1991-2003). «Euskaldunon Egunkariaren hemeroteka. 1990-2003.» Berria (Noiz kontsultatua: 2022-10-01).
- ↑ Pastor, Jose Mari. «Jose Mari Pastor» Berria (Noiz kontsultatua: 2022-10-01).
- ↑ «Pastor, Jose Mari» Booktegi (Noiz kontsultatua: 2022-10-01).
Kanpo estekak
- Jose Mari Pastor Berria egunkariko artikuluak (500etik gora, 2003-2022)
- Jose Mari Pastor Euskaldunon egunkariko artikuluak (800etik gora, 1991-2003)
- Jose Mari Pastor Anaitasuna aldizkariko 10 artikulu (1981-1982)
| Autoritate kontrola |
|---|
Datuak: Q104668775
