José Luis Mayoz

José Luis Mayoz
Bizitza
Jaiotza	Usurbil, 1954ko urtarrilaren 15a (70 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	txirrindularia

Ibilbidea
Taldeak	Urteak

José Luis Mayoz Aizpurua (Aginaga (Usurbil), 1954ko urtarrilaren 15a) gipuzkoar txirrindulari ohia da. 1977 eta 1982 artean izan zen profesionala. Ez zuen lasterketarik irabazi profesional mailan baina 1980ko eta 1981eko Frantziako Tourrak korritu zituen.

Ibilbide profesionala

Gazte mailan Gipuzkoako selekzioarekin korritu zuen. La Casera taldearekin Gipuzkoako Saria irabazi zuen eta ondoren Club Ciclista Irunés taldearekin berriz irabazi zuen Gipuzkoako Saria^[1].

1974an Olsa taldearekin hainbat lasterketa irabazi zituen eta Presidenteen Kopako txapeldunordea izan zen^[1].

1977an Teka taldearekin egin zuen debuta profesional mailan. 1978an Segoviako Vueltan bigarren egin zuen sailkapen nagusian eta 1980an Ordiziako Klasikan bigarren egin zuen Ismael Lejarretaren atzetik^[2]. 1980an Frantziako Tourrean hartu zuen parte eta 54. postuan amaitu zuen. 1981ean berriz korritu zuen Frantziako Tourra eta amaitu ez bazuen ere Bordelen amaitu zen etapan zazpigarren egin zuen^[3].

Palmaresa

1974

Leintz Bailarari Itzulia
2. Altsasuko Sarian

1975

Leintz Bailarari Itzulia
2. Gorlako Igoeran

1976

Lleidako Itzulia
3. Gorlako Igoeran

1977

4. Errioxako Itzulian

1978

2. Segoviako Itzulian
2. Alcalá de Chivert (Valentzia)

1979

3. Luis Puig Sarian
10. Euskal Herriko Itzulian

1980

2. Ordiziako Klasikan
3. Caboalles de Abajo (Gaztela eta Leon)
10. Euskal Herriko Itzulian

Emaitzak itzuli handietan

Itzuli Handia	1980	1981
Frantziako Tourra	54.^[4]	UT.

Erreferentziak

↑ ^a ^b «MAYOZ, José Luis - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2023-05-19).
↑ (Ingelesez) Archives, Cycling. «Villafranca de Ordizia 1980» www.cyclingarchives.com (Noiz kontsultatua: 2023-05-19).
↑ (Ingelesez) Archives, Cycling. «Tour de France 1981» www.sitiodeciclismo.net (Noiz kontsultatua: 2023-05-19).
↑ «Ciclismo - Tour de Francia 1980 - Resultados» www.los-deportes.info (Noiz kontsultatua: 2023-05-19).