Jerrie Mock
| Jerrie Mock | |
|---|---|
  Irudi gehiago | |
| Bizitza | |
| Jaiotza | Newark (Ohio), 1925eko azaroaren 22a |
| Herrialdea |  Ameriketako Estatu Batuak |
| Heriotza | Quincy (Florida), 2014ko irailaren 30a (88 urte) |
| Hezkuntza | |
| Heziketa | Ohio Estatuko Unibertsitatea Newark High School (en)  |
| Jarduerak | |
| Jarduerak | hegazkinlaria |
| Jasotako sariak | ikusi
|
  | |
Geraldine "Jerrie" Fredritz Mock (Newark, Ohio, AEB, 1925eko azaroaren 22a – Quincy, Florida, 2014ko irailaren 30a) pilotu estatubatuarra izan zen, eta munduari airez bira bakarka eman zion lehen emakumea.[1] Bidaia martxoaren 19an hasi eta 1964ko apirilaren 17an amaitu zuen, 29 egun behar izan zituen osatzeko, 21 geldialdi eta ia 36.800 kilometro.[2] Hegaldi horren ia ahaztuta dagoen kontua, zati batean Jerrie Mock eta Joan Merriam Smith-en arteko "lasterketa" da, 1964ko martxoaren 17an San Frantziskotik hurbil zegoen zelai batetik hegan egin baitzuen. Joanen irteera-data eta hegaldi-ibilbidea Amelia Earhart hegazkinlariaren azken hegaldiaren berberak izan ziren. Emakumeok elkarren artean zuzeneko lehian ez bazeuden ere, komunikabideen estaldura laster hasi zen pilotu bakoitzaren aurrerapena jarraitzen, liluratuta biotako nork osatuko zuen lehenengo bidaia.[3]
1970ean munduan zehar egindako hegaldiaren historia argitaratu zuen Three-Eight Charlie liburuan.[4] Geroago, 50. urteurreneko edizioa argitaratu zen, mapak, mapa meteorologikoak eta argazkiak bildu zituena. Three-Eight Charlie Cessna 180 Skywagonen N1538C izen-bereizgarriari egiten dio erreferentzia, Mockek munduari hegan egiteko erabili zuena. Hil aurretik, Mock, hiru seme-alabaren ama, Quincy-n bizi zen, Floridan; Tallahassee estatuko hiriburuaren ipar-mendebaldean.
Ondoren, Nazioarteko Aeronautika Federazioaren Louis Blériot domina jaso zuen.
Biografia
Lehen urteak
Hegazkigintza-interesa 7 urte zituela sortu zitzaionzen, aitarekin batera Ford Trimotor hegazkin baten kabinan hegan egiteko aukera izan zuenean. Eskolan, ingeniaritza-ikastaro bat egin zuen, non emakume bakarra baitzen, eta hantxe jakin zuen abiazioa bere pasioa zela.
1943an graduatu zen, eta Ohioko Estatuko Unibertsitatean jarraitu zuen ikasten. 1945ean utzi zituen ikasketak Russel Mock bikotearekin ezkontzeko.
Munduari bira
Hegaldian, Mock Marokon, Saudi Arabian eta Vietnamen ibili zen, besteak beste. Egun estresagarriak Atlantikoaren gainean hegan egin ondoren, Mock Marokon hartu zuten eta etxe frantses batean hartu zuen ostatu. Gero, Mock Saudi Arabiara iritsi zen eta Drahran aireportuan lurreratu zen. Bere liburuan, Mockek dio Saudi Arabian lur hartu ondoren, gizon askok ulertu gabe begiratzen ziotela.
Munduan zehar bidaiatzeak ikuspegi eta esperientzia berriak eman zizkion. Vietnamen hegan egin zuenean, gerra bat zegoela bazekien, baina zerutik dena bakean ikusten zela.[5]
Aintzatespenak
- Nazioarteko Aeronautika Federazioaren Louis Blériot domina jaso zuen.
Erreferentziak
- ↑ Jerrie Mock, first woman to fly solo around the world, dies aged 88. theguardian.com 1 de octubre de 2014.
- ↑ Mock, Jerrie: Three-Eight Charlie, First Edition, 1970. ISBN 75118975
- ↑ Saunders, Amy. «How An Ohio Housewife Flew Around The World, Made History, And Was Then Forgotten» BuzzFeed.
- ↑ Three-Eight Charlie. .
- ↑ «Celebrating Jerrie Mock, the First Woman to Fly Around the World» National Air and Space Museum 11 de marzo de 2014.
Ikus, gainera
Kanpo estekak
- Jerrie's Cessna 180 Estatu Batuetako Airearen eta Espazioaren Museo Nazionalean
- http://www.ctie.monash.edu.au/hargrave/mock.html
- The Three-Eight Charlie Screemplay proiektua
| Autoritate kontrola |
|---|
Datuak: Q468295
Multimedia: Jerrie Mock / Q468295
