Firecreek

Firecreek

Jatorria
Argitaratze-data	1968
Izenburua	Firecreek
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	Westerna
Iraupena	104 minutu
Kolorea	koloretakoa



Zuzendaritza eta gidoia
Zuzendaria(k)	Vincent McEveety ^(en) [[Kategoria:Vincent McEveety ^(en) zuzendutako filmak]]
Antzezlea(k)
James Stewart Henry Fonda Inger Stevens Jay C. Flippen Gary Lockwood Dean Jagger Ed Begley Jack Elam John Qualen Louise Latham Morgan Woodward Jacqueline Scott James Best Brooke Bundy BarBara Luna
Ekoizpena
Ekoizlea	Philip Leacock ^(en) John Mantley ^(en) [[Kategoria:Philip Leacock ^(en) ekoitzitako filmak]] [[Kategoria:John Mantley ^(en) ekoitzitako filmak]]
Edizioa	William H. Ziegler ^(en)
Bestelako lanak
Musikagilea	Alfred Newman
Argazki-zuzendaria	William H. Clothier
Fikzioa
Kontakizunaren tokia	Arizona

Firecreek (Hego Euskal Herrian Firecreekeko maltzurrak) 1968ko Philip Leacock eta John Mantley estatubatuar zinema zuzendarien western filma bat da. Bertan, James Stewart eta Henry Fonda aktoreek antzeztu zutelarik.

Filmak gaiztekeria eta bidegabekerien aurrean gizakiok erakutsi ohi dugun koldarkeria eta kemenaren arteko barne borrokaren gaia ukitzen du, bai eta jokamolde horien aurrean izan ohi diren pasibitate jarrerak ere.

Argumentua

Mendebalde Urruneko Firecreek herrira pistolari maltzurrez osatutako taldea iritsi berri da, herrian isituak sortu eta herritar guztiak izutzen dituztelarik. Talde horretako buruzagia are zitalagoa den Bob Larkin (Henry Fonda) pistolaria da.

Johnny Cobb (James Stewart) herriak sheriff izendatu eta eskuz egindako latoizko izartxoa duen nekazari bakezalea da, pentsamenduak beste gai batzuetan jarriak ditu, bere emazte Henriettak (Jacqueline Scott) haurra erditzera baidoa, gainera gaztaroan bizitako tiroketa eta liskarretatik at egon nahi du.

Larkinen taldekideak diren Earl (Gary Lockwood), Norman (Jack Elam) eta Drew (James Best) pistolariek herritarrak asaldatu eta gogaituko dituzte, baian Larkinek ez du haiek gelditzeko ezertxo ere egingo, aldiz Evelyn (Inger Stevens) alargun ederrarekin oheratzen saiatuko da.

Herrian Cobb sheriffari Larkin eta bere pistolarien aurka borrokatzen lagunduko dien bakarra Arthur (Robert Porter) ukilu garbitzaile gazte, baldar baina kementsua da. Larkinen gizonek Arthur erailtzean, Cobbek armak hartu eta herritar izuti eta kikilduen begiradapean pistolariei bakarrik aurre egitea erabakiko du.