Edorta Arana
| Edorta Arana | |
|---|---|
 | |
| Bizitza | |
| Jaiotza | Arrasate, 1960ko abuztuaren 7a (63 urte) |
| Herrialdea |  Gipuzkoa, Euskal Herria |
| Jarduerak | |
| Jarduerak | unibertsitateko irakaslea |
Parte-hartzailea
| |
| Enplegatzailea(k) | Euskal Herriko Unibertsitatea |
| Lan nabarmenak | ikusi
|
| Kidetza | Udako Euskal Unibertsitatea NOR ikerketa taldea |
 | |
Edorta Arana Arrieta (Arrasate, 1960ko abuztuaren 7a) Euskal Herriko Unibertsitateko irakaslea eta kazetaria da. EHUko Ikus-entzunezko Komunikazio eta Publizitate Saileko irakaslea eta NOR Ikerketa Taldeko partaidea da. EMAN ikerketa taldeko kidea izanik, talde horren Tirabirak egitasmoan hartu du parte. Bere ikerketa lerro nagusiak honako hauek dira: komunikabideak eta nortasuna, hizkuntza gutxituak, irrati-telebista programazioa eta transmedia produkzioa.[1]
Euskarazko komunikabideen bultzatzaile gisa eta telebistako gaiak euskaraz ezagutarazteko testuak egiteko lanean nabarmendu da. Horren adibidea da 1994an defendatu zuen bere doktorego tesia, “Gizarte eta nazio errepresentazioa telebista-albistegietan. Euskal Herria Teleberri, Telenavarra eta Telenorte albistegietan” izenekoa, Emilio Prado zuzendaritzapean. Euskal komunitate zientifikoaren Inguma datu-basean, berak idatzitako 7etik gora lan agertzen dira.[2]
Berria egunkarian,[3] Euskaldunon Egunkarian,[4] Jakin,[1] Argia,[5] Uztaro[6] eta hainbat komunikabidetan parte hartzen du.
Udako Euskal Unibertsitateko Kazetaritzako saileko kidea izan da hainbat urtetan.
Urteetan euskal gatazkaz komunikabideetan argitaratu izan diren binetak era masiboan batu zituen "Tirabirak" egitasmo transmedia sortu zuen EMAN Taldearekin (Josu Amezaga, Edorta Arana, Tania Arriaga, Patxi Azpillaga, Iñaki Barcena, Estitxu Garai, Sahatsa Jauregi, Libe Mimenza, Bea Narbaiza eta Mario Zubiaga). Egitasmoaren barruan hainbat elementu sartu ziren: ikerketa, erakusketa ibiltaria, artxibo interaktiboa, elkarrizketak, webdoka, ikastaroa, ekitaldiak…
Liburuak
- Transmedia Komunikazio Estrategiak: Gaurkotasun-edukiak diseinatzeko eta edatzeko bide berriak Agurtzane Elorduirekin (UEU, 2015)
- Multimedia komunikazioa: gaur egungo erronkak eta estrategia berriak Agurtzane Elordui eta Txema Ramirez de la Piscinarekin (UPV/EHU, 2013)
- Euskarazko hedabideak Josu Amezaga eta Josu Azpillagarekin (UPV/EHU, 2011)
- Programaziogintza irrati-telebistan (UEU, 2004)
- Hedabideak eta Euskal Herria Josu Amezaga, Patxi Azpillaga, Jose Inazio Basterretxea , Ander Iturriotz Lauzirika, eta Juan Carlos Miguel de Bustos, Nor Ikerketa Taldea (UEU, 2000)
- Gizarte eta nazio errepresentazioa telebista-albistegietan (UPV/EHU, 1995)
Ikus, gainera
Erreferentziak
- ↑ a b «Edorta Arana - Jakin.eus» www.jakin.eus (Noiz kontsultatua: 2021-06-16).
- ↑ Josu Amezagaren produkzioa Inguma datu-basearen arabera (>50 produktu)
- ↑ Arana, Edorta. «'Online'-ra jauzi egin» Berria (Noiz kontsultatua: 2021-06-16).
- ↑ (Ingelesez) Berria.eus. «Euskaldunon Egunkariaren hemeroteka. 1990-2003.» Berria (Noiz kontsultatua: 2021-06-16).
- ↑ Arana, Edorta. «ARGIA egileak» Argia (Noiz kontsultatua: 2021-06-16).
- ↑ Arana, Edorta. «Bilaketaren emaitza :: Uztaro aldizkari elektronikoa» www.uztaro.eus (Noiz kontsultatua: 2021-06-16).
Kanpo estekak
| Autoritate kontrola |
|---|
Datuak: Q77308972
