Behin batean Loiolan

Behin batean Loiolan
Egan (musika taldea)en musika-lana
Egilea(k)	Egan (musika taldea)
Jatorrizko herrialdea	Ameriketako Estatu Batuak
Ezaugarriak
Genero artistikoa	Zortziko txikia eta country popa
Hizkuntza	euskara




Hitzak	Bilintx
Bestelako lanak
Musikagilea	John Denver

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.
Kantuaren jatorria Bilintxek osatutako bertso-paperean dago.

Behin batean Loiolan euskal kanta herrikoi bat da, Bilintx bertsolari eta olerkari donostiarrak egina. Abestiaren haria Donostiako Loiola auzoko jaietan gertatzen da, non gizon batek, kantaria bera, gorte egiten baitio gutiziatzen duen neska bati. Gizon hori Bilintx bera da; izan ere, bertsolari horrek berari gertatutakoei buruzko bertsoak idatzi ohi zituen.

Egan talde azpeitiarrak abesti honen moldaketa ederra egin zuen, beharbada bertsio guztietan ospetsuena. Horretarako, John Denver estatubatuar folk abeslariaren "Annie's Song" kantaren doinua gehitu zien Bilintxen jatorrizko bertsoen hitzei.

Abestia oso ezaguna da, 'Euskal abesti herrikoien' artean bisitatuena da Wikipedian (2015-2023).^[1]

Bilintx (hitzen egilea)
John Denver (doinuaren egilea)
Egan musika taldea

Hitzak

Behin batean Loiolan
erromeria zan,
hantxen ikusi nuen
neskatxa bat plazan;
txoria baino ere
arinago dantzan;
huraxe bai polita,
han politik bazan!

Esan nion desio
senti nuen gisan,
harekin hizketa bat
nahi nuela izan;
erantzun zidan ezik
atsegin har nezan,
adituko zidala
zer nahi nion esan.

Arkitu ginanian
inor gabe jiran,
koloriak gorritu
arazi zizkidan;
kontatuko dizuet
guztia segidan,
zer esan nion eta
nola erantzun zidan.

"Dama polita zera,
polita guztiz, ai!
baina halare zaude
oraindik ezkongai,
ezkon gaitezen biok!
esan zaidazu bai!"
"Ni zurekin ezkondu?
ni zurekin? jai jai!"