Bea Salaberri

Bea Salaberri
Bizitza
Jaiotza	Donamartiri, 1979ko apirilaren 26a (45 urte)
Herrialdea	Nafarroa Beherea, Euskal Herria
Hezkuntza
Heziketa	Paueko eta Aturrialdeko Unibertsitatea
Hizkuntzak	euskara frantsesa
Jarduerak
Jarduerak	idazlea eta irakaslea
Enplegatzailea(k)	Alfabetatze Euskalduntze Koordinakundea

Bea Salaberri Larre (Donamartiri, Nafarroa Beherea, 1979ko apirilaren 26a) baxenabartar idazlea da.^[1]

Euskal Filologiako ikasketak egin zituen, Baionako eta Bordeleko unibertsitateetan. Helduen euskalduntzearen alorrean lan egiten du, euskara irakasle eta didaktikari gisa, Iparraldeko AEKn.

Horrez gain, gustuz parte hartu izan du hainbat ekimenetan, hala nola hainbat kultur elkarte, antzerki talde eta aldizkaritako kolaborazioetan. Argia aldizkarian eta Iparraldeko Hitza egunkarian idatzi ohi du.^[1]

Literaturaren alorrean, Mesfida zaitez (Txalaparta, 2024) eleberria eta Baionak ez daki (Susa, 2015) helduentzako ipuin liburua argitaratu ditu.

Bestalde, helduen euskalduntzearen alorrean, Oihenartea ez hunki (Elkar, 2023) eta Baiona (Elkar, 2019) helduentzako liburuxkak sortu ditu, euskara errazean.

Liburuak

• Baionak ez daki (2015, Susa), ISBN 978-84-92468-73-7^[2]
• Baiona (2019, Elkar) (Irakurgai mailakatuak, B1 maila)^[3]
• Oihenartea ez hunki (2023, Elkar) (Irakurgai mailakatuak, A1 maila)
• Mesfida zaitez (2024, Txalaparta), ISBN 978-84-19319-87-6

Erreferentziak

Ikus, gainera

• AEK

Kanpo estekak

• Bea Salaberriren iritzi artikuluak, Argia astekarian
• Zerezaderen artxiboa, Baionak ez daki- Bea Salaberri
• ZIPRIZTINAK: Bea Salaberri bideoa
• Bea Salaberri Uribe Kostako Irakurzaleen TXokoan

• Datuak: Q31885112