Ann Rose Nu Tawng

Ann Rose Nu Tawng
Bizitza
Jaiotza	Myanmar, 1975 (48/49 urte)
Herrialdea	Myanmar
Bizilekua	Myitkyina
Jarduerak
Jarduerak	moja eta erizaina
Jasotako sariak	ikusi 100 Emakume (BBC)  (2021)
Sinesmenak eta ideologia
Erlijioa	katolizismoa

Ann Rose Nu Tawng (Birmania, 1975) erizaina da. San Frantzisko Xabierkoaren Ahizpen moja birmaniarra da. Myitkyinan egiten du lan erizain gisa. Ezaguna egin zen 2021eko protestetan, non mugimenduetan parte hartu baitzuen eta soldaduei aurre egin baitzien, haien aurrean belaunikatuz, manifestari adingabeen ordez bera hil zezatela eskatuz.^[1][2]

Biografia

Ann Rose Nu Tawng 1975ean jaio zen, eta San Frantzisko Xabierkoaren komunitate apostolikoan sartu zen. Myitkyinan 18 kide dituen komunitatean

Erizaina formazioz, Myitkyinako klinika bateko zuzendaria da.

2015ean, elizbarrutiko gotzainak, Francis Daw Tang-ek, Birmaniako demokrazia babesteko eskatu zien katolikoei, «gure otoitzetan ez ezik, manifestazioetan ere parte hartzeko» esanez.^[1]

Historia

Otsailaren 1eko estatu-kolpearen aurkako manifestazio batean, militarrak manifestarien aurkako benetako munizioa jaurtitzen hasi ziren. Ann Rose Nu Tawng aurreratu egin zen, eta militarren aurrean belaunikatu egin zen. Manifestariak hil ordez bera hiltzeko eskatu zien.^[1][3]

Lehen manifestazioan, manifestari batzuk zauritu ziren arren, inor ez zen hil. Bigarren manifestazioan ordea, bere ekintzak ez zuen eragotzi agintariek bi manifestari hiltzea, beste zazpi zauritzea eta hirurogei bat atxiloketa egitea biktimak katedral katolikoan babestu ziren bitartean.^[1]

Aintzatespenak

• 2021ean BBC 100 Women saria jaso zuen.^[4]

Erreferentziak

• Datuak: Q105961785